Партизан продолжи да „грми“ во Белград, Барселона конечно се израдува во „Палау Блауграна“ (ВИДЕО)

Партизан продолжи со импресивните партии на домашен терен во Евролигата, а силата на „црно-белите“ овојпат ја почувствува составот на Асвел кој беше декласиран во Белград со 92-71.

Ова за четата на Жељко Обрадовиќ беше петто славје во низа во својот дом, осмо во сезонатта по што дојде на учинок од 50 проценти по 22. одиграни рунда во најквалитетното европско натпреварување. Пантер ја имаше улогата на лидер со 22 поени, кај гостите најсветли точки беа Фал и Понс со по 14 кошеви.

Во наредното коло Партизан му гостува на Жалгирис.

Барселона пак конечно го запиша првото славје во „Палау Блауграна“ во 2023 година. Шпанскиот вицешампион загуби од Виртис Болоња и Анадолу Ефес, ама вечерва не дозволи нов кикс и го доби Макаби Тел Авив со 83-78.

Хигинс уфрли 15, Јокубаитис 14, а Миротиќ остана кус за еден скок за дабл-дабл (11 поени, 9 скока).Залудни за Макаби беа 20 кошеви на Адамс.

Останати резултати: Виртус Волоња-Црвена Звезда 84-72, Валенсија-Баерн 82-73, Милано-Басконија 89-83 и Фенербахче-Олимпијакос 73-93