Партизан ја реши Звезда и ја прекина лошата резултатска серија во Евролигата

Екипата на Партизан издвојува победа над Црвена Звезда од 89:77 во српското дерби во кошаркарската Евролига.

Избраниците на Жељко Обрадовиќ се покажаа во подобро светло и како гости успеаа да му земаат мерка на големиот ривал и со тоа воедно да ја прекинат лошаат резултатска серија во ова натпреварување.

Имено „црно-белите“ влегоа во овој дуел со шест порази во низа, па тоа сигурно беше дополнителна мотивација и на крајот сосема заслужено дојдоа до третото славје во единаесетиот натпревар во оваа конкуренција.

Само првата четвртина и припадна на Звезда (21:19), поточно потоа Партизан влезе во ритам, го презема водство и имаше апсолутна контрола на играта и резултатот.

Четворица играчи кај победникот беа двоцифрени, Џоунс беше лидер со 21 поен, 6 скока и 4 асистенции. Петрушев на другата страна реализираше 20 кошеви со 8 скока.

Останати резултати:

Монако-Асвел 103:92

Олимпијакос-Басконија 92:69

Игра во страшна форма: Шортс со дабл-дабл партија му пресуди на Анадолу Ефес