Партизан испушти победа во четвртото деби на Ивановиќ во Басконија

Кошаркарите на Партизан беа на добар пат да му нанесат ново горчливо чувство на Душко Ивановиќ, но сепак Црногорецот беше тој кој се радуваше на крајот, а голема заслуга за тоа имаат избраниците на Жељко Обрадовиќ.

Српскиот кошаркарски великан се држеше многу добро на гостувањето во Виторија и беше пред победа на две минути пред крајот, но тогаш испушти предност од четири поени и влезе во неизвесни 30-тина секунди во кои се реши победникот.

Нанали постигна многу важни поени за нова предност на Партизан од 83:82 и Басконија влезе во својот последен напад, па иако обидот за тројка беше неуспешен, највисок во скокот беше Чима Монеке.

Нигериецот се избори за фаул и доби две слободни фрлања, а потоа имаше мирна рака и донесе огромна победа за Басконија на секунда пред крајот.

Партизан доби последна шанса за нов напад, но времето беше навистина премало за било каква акција и на крајот Басконија славеше со 84:83.