Партизан го претстави новиот тим, Обрадовиќ ги пречекал играчите со оригинална порака во соблекувалната (Фото)

Партизан ќе има целосно нов лик во новата сезона и Жељко Обрадовиќ ќе тренира сосема нова група на кошаркари, па токму поради тоа денешната промоција на ростерот предзивика големо внимание во Белград.

Со насловот „црно-белата синфонија“ беше означен стартот на една нова ера во кошаркарскиот клуб, во кој нов капитен на првиот тим ќе биде повратникот Вања Маринковиќ.

Тој треба да биде нов лидер на тимот кој претрпе огромни промени ова лето, а придружници во мисијата да се врати Партизан на врвот во регионалната кошарка ќе му бидат Брендон Дејвис, Ифе Луднберг, Карлик Џонс, Френк Ниликин, Двејн Вашингтон Јуниор, Балша Копривица, Марио Накиќ, Митар Бошњаковиќ, Алексеј Покушевски, Стерлинг Браун, Исак Бонга, Аријан Лакиќ, Ајзеа Мајк, Алекса Димитријевиќ и Тајрик Џонс.

Ростерот од 16 играчи е целосно нов и допрва ќе треба да видиме како тимот ќе биде наштимуван од искусниот Обрадовиќ, кој денеска новите играчи ги пречекал со интересна порака.

– Не заборавајте дека играте за најспецијалниот клуб во светот, – напишал Жоц на таблата во соблекувалната.

Coach Obradovic's message in the Partizan Belgrade locker room 🔥👀 pic.twitter.com/psB4aESMXB

— BasketNews (@BasketNews_com) August 19, 2024