Поврзете се со нас

Евролига

Партизан брутално му се одмазди на Асвел, Реал и Макаби одиграа историски натпревар во Евролигата

Објавено

на

Foto:x.com/RMBaloncesto

Партизан пред еден месец претрпе не пријатен и болен пораз од Асвел на домашен терен и денеска имаше огромен мотив за реванш во Франција, нешто што избраниците на Жељко Обрадовиќ успеаја да го одработат во целост.

Српскиот великан режираше слатка одмазда и на брутален начин возврати за поразот од месец декември, славејќи во домот на Асвел со резултат 62:93.

Разликата од 31 поен доволно говори за разликата во распоредот на силите на денешниот натпревар, па дури делува и малку нереално како играчите на Обрадовиќ можеа да си дозволат пораз на домашен терен од истиот тим.

Партизан доминираше од почеток до крај и ја оствари најубедливата победа во Евролигата оваа сезона, а најзаслужни за истата беа Џоунс со 22 поени, Лундебер со 18 и Браун со 16 поени.

Во вечерниот ударен термин, Реал Мадрид и Макаби Тел Авив одиграа историски натпревар во Евролигата, поставувајќи три рекорди кои досега изгледаа незамисливо.

„Кралевите“ победија во неверојатен меч со 116:113, а истиот ќе остане запаметен како натпревар со најмногу постигнати поени во историјата на Евролигата (229), но и како натпревар со најмногу запишани поени на полувреме (120) и по три одиграни четвртини (181).

Advertisement
Advertisement

Италија

Advertisement

Популарни