Парма потврди два позитивни теста меѓу своите фудбалери

Фудбалскиот клуб Парма ја информираше јавноста дека деновиве ги тестирала сите членови на сениорскиот тим, стручниот штаб и придружен персонал и се појавиле два позитивни теста меѓу фудбалерите.

Поточно од шеесетина тестови, двајца фудбалери најпрвин имале позитивен, а по 24 часа и негативен тест, па според протоколот тие ќе бидат изолирани од останатите колеги.

Од Парма велат дека можеби веќе и се излечени од вирусот бидејќи немаат ниту симптоми, но ќе мора да се испочитува правилото за два негативни теста пред да добијат дозвола да продолжат со тренинзи.

Клубот не ги објави имињата на фудбалерите со позитивен тест, но потенцира дека тие се наоѓаат во одлична здравствена состојба.

Од друга страна, Удинезе исто така ги комплетираше првите тестови, а во клубот на нашиот Илија Несторовски немало ниту еден позитивен тест.