Паредес: Покажавме дека Рома е жива, можеме…

Рома во еден динамичен и интересен меч остана непоразена на тешкото гостување кај Тотенхем во рамките на петтото коло во Лига Европа.

„Волчицата“ двапати беше во негатива, но покажа карактер и се враќаше за конечни 2-2 на средбата во Лондон. Овој резултат, овој настап дефинитивно ќе ја крене атмосферата во редовите на клубот од италијанската престолнина, клуб кој сезонава веќе отпушти двајца тренери по што го назначи искусниот Клаудио Раниери да го „гаси пожарот“.

-Ова беше одличен настап. Можеме да играме вака секогаш. Беа тешки неколку месеци за играчите, тренерите и клубот, но сега сме на добар пат. Ние сме живи и можеме добро да функционираме.

-Имам многу добар однос со тренерот. Имаме силни играчи овде, можеме да се подобриме и тоа ќе го направиме, -истакна Леандро Паредес.

Рома сега ја очекува уште еден тежок тест, соочување со Аталанта во Калчото.