Пардју: Фернандеш не е лидер, опасно е да го имаш за капитен

Манчестер Јунајтед има лош старт на новата сезона во Премиер лигата и покрај големите средства кои беа вложени во летниот преоден рок.

Јунајтед со доста мака го победи Фулам, потоа загуби од Брајтон за да во неделата добие лекција од Ливерпул во дербито на „Олд Трафорд“. Соочувањето со избраниците на Слот покажа дека Јунајтед се уште има доста проблеми во играта и дека менаџерот Тен Хаг го очекува многу работа за да резултатите бидат на посакуваното ниво.

После вакво издание секогаш има критики, доста играчи се споменувани, а англискиот фудбалски менаџер Алан Пардју се реши да говори за Бруно Фернандеш за кого смета дека капитенската лента му прави притисок, поточно го советува колегата Тен Хаг да направи промена.

-Го имаш таму твојот капитен, имаш технички капитен, кога имаш техничар како капитен, мислам дека секогаш е опасно затоа што тие ќе се „исклучат“. Дури и Ериксен во врвот, Платини во врвот, тие би имале слободен ден. Тие беа технички играчи.

-Против Ливерпул никогаш не беше Фернандеш затоа што Јунајтед никогаш немаше доволно топка. Одбранбено, тој не е повикан. Како може да го води тимот? Тоа е многу тешко за него. Јас всушност мислам дека би било подобро за него како фудбалер да ја нема капитенската лента.

-Мислам дека можеби ќе го ослободи малку, нека биде малку послободоумен. Веројатно се грижи за дефанзивната четворка, се грижи за крилните играчи. Не знаете како да се справите со тоа. Не знам, мислам дека тоа му пречи, -вели Пардју за „Токспорт“.