Панучи со заклучок за дербито Јувентус-Милан: Парада на грешки, сакаме…

Милан го совлада Јувентус со 2-1 во полуфиналето на Супер Купот на Италија и со тоа закажа средба со Интер за трофејот во ова натпреварување.

„Росонерите“ со пресврт дојдоа до ова славје и тоа со два гола во краток временски период од 71 до 75 минута. Легендарниот Кристијан Панучи како стручен аналитичар го пратеше овој меч, па по истиот даде брутален заклучок за соочувањето на италијанските великани.

-Сакаме да го извезуваме нашиот фудбал во странство, но ова не изгледаше како најдобрата реклама. Јуве против Милан беше парада на грешки. Понекогаш е подобро да се има среќа отколку да бидете добри. Консеисао имаше среќа и можеме да кажеме дека го направи својот прв чекор во вистинската насока, -истакна Панучи за „Спортмедијасет“.

Финалето Милан-Интер е закажано за в понеделник од 20 часот.