Поврзете се со нас

Лига на шампиони

Пандев се врати на „Џузепе Меаца“: Посебно е чувството на овој стадион (Фото)

Објавено

на

Фото: ffm.mk

Горан Пандев вечерва како специјален гостин во студиото на „Амазон-прајм“ има можност да дава стручни коментари за случувањата во Лигата на шампиони, но посебно за натпреварот меѓу Интер и Монако кој се игра во Милано.

Македонската фудбалска легенда вечерва е присутна на „Џузепе Меаца“ и се врати на стадионот на кој ги оствари најголемите успеси во кариерата, па тоа секако буди посебни емоции и спомени кај него.

– Огромна е емоцијата и посебно е чувството кога се враќам на овој стадион и кога ќе ги видам овие фантастични навивачи. Нашето време беше многу убаво, си поминавме многу убаво и незаборавно.

– Што се однесува до денешниот меч, новиот формат во Лигата на шампиони прави сезоната да биде подолга од порано. Вечерва не чека тежок противник, Монако е одличен и организиран тим, со многу брзи фудбалери. Не очекувам да биде лесно за Интер.

– Сепак, Интер на домашен терен е многу силен, добива голем поттик од фантастичните навивачи и очекувам да имаат одличен натпревар вечерва, – изјавил Пандев.

Advertisement
Advertisement

Италија

Advertisement

Популарни