Лига на шампиони
Пандев нагласи што е клучно за Интер против Сити: Тоа ја прави главната разлика во едно финале
Горан Пандев беше дел од златната генерација на Интер која ја освои триплетата под водство на Жозе Мурињо, а како редовен следбеник на случувањата во Милано, поранешниот капитен на македонската репрезентација направи најава за големото финале кое следи.
Оваа сабота во Истанбул силите ќе ги одмерат Манчестер Сити и Интер во натпреварот кој ќе го одлучи новиот европски шампион, дуел пред кој англискиот првак влегува како апсолутен фаворит за освојување на прва титула во најелитното натпреварување.
Пеп Гвардиола како менаџер на Сити ја прифати ваквата улога и нагласи дека неговите играчи ќе мора да се докажат на теренот, но според Гоче, ова може да направи сериозен притисок врз „граѓаните“ и гледа голема шанса за Интер.
– На хартија, Манчестер Сити изгледа како голем фаворит, но Интер има свои оружја за да го стави Сити во неволја и убеден сум дека ќе го направи тоа. Да не бидеме во заблуда поради поразот на Реал со резултат 4:0. Ова е финале и се игра на неутрален терен, не е ништо исто со играње на домашен терен. Исто така, Англичаните ќе ја бркаат триплетата и тоа ќе биде дополнителен притисок за нив.
– Сити е тим кој настојува да доминира, не ви дозволува вие да ја градите играта. Така беше и во Мадрид, Баерн се обиде да наметне темпо, но нивниот план брзо пропадна. Она што мора да го направат играчите на Интер е следно: Мора да бидат во врвна кондиција за финалето, бидејќи физичката подготвеност прави разлика на еден ваков меч, – вели Пандев во интервјуто за „Ил Џорно“, во кое го фали и Симоне Инѕаги.
– Многу сум среќен за Инѕаги, тој го заслужува ова. Добиваше критики, но успеа да се изолира и брилијанто си ја заврши работата. Тој е храбар и сега мора да го убеди својот тим во победа. Неговата ротација сега е подобра од пред неколку месеци и тоа исто така е добра вест за Интер, – додава Гоче.
-
АТПпред 21 час
Изнуди аплаузи и овации од публиката: Синер се одбрани од сите напади, па со мајсторија го матираше противникот (ВИДЕО)
-
Англијапред 21 час
Дилета Леота бара нов клуб за нејзиниот сакан: Нема директни летови до таму…
-
Македонијапред 20 часа
IN MEMORIAM: Роберт Пластиноски (1957-2024)
-
Светпред 12 часа
Фелипе Мело распали по Робињо и Дани Алвес: Да и го направеа тоа на мојата ќерка, сега немаше…..
-
Светпред 12 часа
Скалони: Само двајца играчи се сигурни за Копа Америка
-
Светпред 11 часа
Белингам го одобри најголемото откровение на Јунајтед: Не сакам да додавам масло во огнот, но тој има светла иднина
-
Балканпред 23 часа
Поранешен македонски репрезентативец потпиша договор со Зрињски
-
Европски првенствапред 20 часа
Лам го издвои фаворитот за титула на ЕП: Тие имаат 40 играчи кои се многу талентирани