Поврзете се со нас

Македонија

Пандев и Ангеловски ги добија најпрестижните признанија, ФФМ избрана за најуспешна Федерација

Објавено

на

blank

Агенцијата за Млади и Спорт оваа вечер на церемонијата ги додели најважните призанија на спортски луѓе кои ја одбележаа успешната 2020-та година, случување кое се одржа во специјални услови со цел испочитување на протоколите поради коронавирусот.

Сосема очекувано, најважните награди дојдоа од фудбалската сфера, сето тоа како последица на историскиот пласман на Европското првенство кое Горан Пандев и останатите соиграчи ќе го играат во месец јуни.

На церемонијата во „Борис Трајковски“, капитенот Горан Пандев беше избран за спортист на годината, Игор Ангеловски за селектор на годината, а ФФМ е спортска Федерација на годината.

Најуспешен национален тим е фудбалската репрезентација, спортистка на годината е каратистката Вероника Костовска, а за најдобри млади спортисти во машка и женска конкуренција се каратистите Роберто Ацковски и Магдалена Божиновска.

При доделувањето на наградите, не се заборави и успехот кој го остваруваат луѓето со инвалидитет, па така Владимир Тркаљанов како врвен шахист доби награда за најуспешен спортист со инвалидитет.

Реклама
Реклама
Реклама

Популарни