Пандемијата не ги спречи да учевствуваат на првиот онлајн турнир: Таеквондистите од Охрид со грст медали од „Чешка Е-Опен“

Викендов се одржа меѓународниот отворен Таеквон- до ИТФ онлајн турнир „Чешка Е-Опен 2021“ кој беше во целосна организација на чешката Таеквон-до ИТФ федерација.

Поради пандемијата, турнирот беше организиран преку видео стримови и на истиот изостанаа оние класични спаринг борби, па таеквондистите се натпреваруваа само во една дисциплина, форми.

На турнирот учествуваа 400 натпреварувачи од 47 клубови од 23 европски земји, а на истиот учество зеде и охридскиот клуб „Хва Ранг ИТФ“ кој беше претставен со 15 натпреварувачи.

Таеквондистите од Охрид за прв пат учествуваа на ваков турнир од кој собраа грст медали, еден златен, три сребрени и три бронзени.

– После долго време  имавме прилика повторно да го почувствуваме натпреварувачкиот дух, иако е преку интернет сепак желбата за победа ги мотивира нашите натпреварувачи , кои покрај големата конкуренција успеаја да не израдуваат со седум медали, -изјави тренерот на клубот, Марјанчо Лазаревски.

Освојувачи на медали се:

Елена Јанеска        1  место златен медал       6-5 куп (зелен појас) јуниори девојки 14-17 год.

Давид Крстески     2  место сребрен медал 1 дан (црн појас)  деца  11-13 год

Христијана Парулеска    2  место сребрен медал     6-5 куп (зелен појас) девојчиња 11-13 год

Никола Балчески      2  место сребрен медал    8-7 куп (жолт појас) јуниори  14-17 год

Давид Велковски    3  место бронзен медал   1 дан (црн појас)  сениори  18-39 год

Петар Трифуноски   3  место бронзен медал   8-7 куп (жолт појас) јуниори  14-17 год

Филип Митрески   3  место бронзен медал   8-7 куп (жолт појас) деца  11-13 год