Панатинаикос остана без трофеј, Атаман испрати порака во негов стил: Бидете подготвени…

Олимпијакос ја доби првата сезонска битка со Панатинаикос и тоа во рамките на Супер Купот во Грција каде во финалето славеше со 86:85.

Двете екипи сериозно се засилија ова лето и дефинитивно ќе играат супер важна улога и во Евролигата каде дефинитивно се меѓу топ кандидати за трофејот. Тренерот на Панатинаикос, Ергин Атаман не сака да губи натпревари особено кога се игра за пехар, меѓутоа го призна поразот, ама и испрати порака за тоа каде ќе завршат најважните титули во оваа сезона.

-Кој се сеќава кој тим го освои овој Куп минатата година? Бидете подготвени за титулите во Евролигата и Грција. На крајот ние ќе победиме, -истакна турскиот стручњак.

Сама за потсетување составот од Атина е актуелен европски и грчки шампион.