Палмер испиша историја во ПЛ, Челси со голем пресврт до славје во трилерот со Тотенхем

Составот на Челси излезе како победник од супер интересното лондонско дерби со Тотенхем кое вечерва се одигра во Премиер лигата.

Седум погодоци паднаа на оваа пресметка за конечни 4-3 за тимот од „Стемфорд Бриџ“. „Сините“ имаа катастрофално отварање на натпреварот, па веќе по 11 минути игра губеа со 2-0.

Соланки и Кулушевски стрелаа за голема радост на домаќините. Челси се врати во 17 минута преку Санчо по што двете екипи пропуштија уште неколку шанса до крајот на првиот дел.

Четата на Мареска се покажа во подобро светло во вторите 45 минути во кои од 61 до 73 минута се избори за пресврт и водство од 3-2 со погодоците на Палмер и Фернандез.

Потоа Палмер погоди и во 84 минута со што испиша историја во најсилната англиска конкуренција, стана играчот со најмногу погодени пенали во низа, односно со денешниве два дојде до бројката од 12 реализирани удари од 11 метри со што го мина Јаја Туре кој своевремено застана на бројката единаесет.

Cole Palmer becomes the first player in Premier League history to score 𝘼𝙇𝙇 of his first 1⃣2⃣ penalties in the competition 🥅🎯🤩 pic.twitter.com/fcOSPWAD32

— LiveScore (@livescore) December 8, 2024

До крајот Сон постигна гол во судиското продолжение, ама место и време за нешто повеќе едноставно немаше.

Сега Челси има 31 бод, четири помалку од лидерот Ливерпул кој има и натпревар помалку оној одложениот со Евертон на „Гудисон Парк“.