Палмер бираше меѓу најдобрите, во финалето се најдоа Меси и Роналдо (Видео)

Кол Палмер имаше сензационална сезона во Премиер лигата и пред два дена беше избран за најдобар млад играч од своите колеги, признание по кое одработил и едно блиц интервју кое сега стана вирално.

Англискиот репрезентативец доби за задача да ги бира најдобрите меѓу најдобрите, па така го посочи Кевин Де Брујне како најквалитетен соиграч во досегашната кариера, а истовремено откри дека се обидувал да го имитира Лео Меси додека бил мал.

Во натамошниот редослед именуваше и ѕвезди како Мбапе, Крос, Роналдо, Руни и Нејмар, па мораше по пат на елиминација да дојде до најдобрите двајца.

Во самото финале се најдоа Лео Меси и Кристијано Роналдо, а според Палмер подобар од двете фудбалски легенди е неговиот идол од детството.

Костурот кој го формираше ѕвездата на Челси стана навистина вирален на социјалните мрежи, но истиот откри и какви фудбалски размислувања има талентираниот англиски фудбалер.

Cole Palmer picks between the two GOATs in football knockout 🐐 @PFA pic.twitter.com/C60c0jvQyU

— GOAL (@goal) August 22, 2024