Палјука му предлага на Интер да го продаде Онана и да ангажира конкретна замена

Интер ќе направи поголемо проветрување на составот по крајот на оваа сезона, а поранешниот голман Џанлука Палјука смета дека има простор за промени и на голманската позиција.

Палјука смета дека Андре Онана е квалитетен голман, но Интер би требало да го продаде ако добие богата понуда од Премиер лигата.

– Ако добие добра понуда, Интер треба да го продаде Онана. Тој е добар голман кој не прави големи грешки, но има простор за напредок според моето мислење.

– Секако ќе треба да се донесе соодветна замена, а според мене тоа е Џилјелмо Викарио од Емполи.

– Тој е мој фаворит во Серија А и доволно е зрел да го направи следниот чекор, – изјавил Палјука.