Паје: Тудор не шокираше, ја занемари човечката страна

Игор Тудор заврши одлична работа во Марсеј во најголем дел од сезоанта, но слабиот крај на шампионатот резултираше со пад на третото место и губење на хемијата во првиот тим.

Тоа предизвика да видиме и многу рана разделба меѓу Тодор и францускиот великан, кој после само една година му се заблагодари на Хрватот и реши да ја прекине соработката со него.

Иако со тек на времето ја стекна почитта од француската јавност, чист факт беше дека Тудор беше доста оспоруван од блиските медиуми до клубот, а незадоволството од работата на Тудор сега го истакна и Димитри Паје.

Капитенот на Марсеј западна во втор план со Тудор како тренер и речиси постојано ја грееше клупата, но сега открива дека најмногу шокиран бил од пристапот на Тудор.

– Не бев љубител на неговите методи на работа уште од самиот старт, уште на крајот на месец август дознавме колку е брутален и тежок во својата работа. Како што кажа и сам, тој претпочита авторитативен пристап. Сите бевме шокирани од него, ни беше сосема поинаку со Сампаоли. Секако, секој тренер има своја филозофија, но Тудор ја занемари човечката страна. Секогаш беше гласен и доминантен, а јас сум емотивен и не ми е потребен став како да ми е постар брат или татко. Сакаше да означи своја територија уште од самиот старт и ми беше многу тешко со него, – вели Паје.