Падна уште една тренерска „глава“ во Премиер лигата

Предмалку беше објавено дека уште еден тренер од Премиер лигата добил отказ и во следниот период нема да го води својот досегашен клуб.

Станува збор за искусниот Клаудио Раниери кој повеќе нема да биде тренер на Вотфорд, клубот во кој пристигна пред само три месеци.

Тренерот кој пред неколку години креираше сензација со Лестер не издржа многу на „Викариџ Роуд“ затоа што не успеа да ги поправи работите и клубот остана во опасната зона на табелата во Премиер лигата.

Следат две недели пауза од англискиот шампионат, па од Вотфорд ќе имаат можност да реагираат и да ангажираат нов стратег кој ќе ги води во преостанатиот дел од сезоната.

Инаку, Раниери имаше само еден блесок како тренер на Вотфорд, кога со 4:1 го победи Манчестер Јунајтед и со тоа му пресуди на колегата од спротивната страна, Оле Гунар Солскјер кој по тој пораз доби отказ од тренерската позиција кај „ѓаволите“.