Озил се подготвува за враќање на фудбалската сцена

Месут Озил неодамна ја заврши професионалната фудбалска кариера, но сега е многу блиску до враќање на позната територија.

Поранешниот германски репрезентативец е најсериозен кандидат да биде поставен за директор на турската фудбалска репрезентација, откако федерацијата планира да направи промени, првично отпуштајќи го селекторот Штефан Кунц.

Покрај последниот пораз од Јапонија, проблем за Кунц е и неговото несогласување со влијателниот репрезентативец Хакан Чалханоглу.

Во пакет со Кунц веројатно ќе замине и досегашниот директор Хамит Алтинтоп, а „Билд“ тврди дека тој ќе биде заменет од Озил, кој добро ги познава случувањата на турската фудбалска сцена.

Како главен фаворит за селекторската функција се смета Јоаким Лев, па веројатно и Турците сметаат дека тој може да соработува одлично со својот добар познаник Озил.