Озил решил да ја заврши кариерата среде сезона

Месут Озил не сака да ја доигра актуелната сезона и решил да замине во фудбалска пензија.

Ова го тврдат турските медиуми, според кои поранешниот член на елитни европски клубови веќе ја раскинал соработката со неговиот досегашен клуб Истанбул Башакшехир.

Озил наводно веќе ги информирал соиграчите дека нема да продолжи со извршување на вообичаените обврски и не планира да настапува за друга екипа во иднина.

34-годишнниот Озил има само седум настапи за составот од Истанбул во кој се пресели сезонава, а претходно го носеше дресот на Фенербахче.

Проблемите за екс-германскиот репрезентативец започнаа во Арсенал од каде мораше да замине по доаѓањето на Микел Артета, а најголем дострел во кариерата му беше потписот за Реал Мадрид.

Зад себе има и 98 настапи за Германија, при што беше и светски шампион во 2014 година.