Овен со критики за менаџерот на Челси: Го троши Палмер на погрешна позиција

Челси загуби на отворањето на новата сезона во Премиер лигата, а Кол Палмер немаше простор да ги покаже своите квалитети против својот поранешен клуб Манчестер Сити.

Мајкл Овен во својот коментар за натпреварот испратил критики за менаџерот Енцо Мареска, тврдејќи дека погрешил што експериментира со Палмер и го троши на погрешна позиција.

– Мислам дека Челси купи многу фудбалери кои можат да играат на десната крилна позиција, нели?

– Имаат и играчи кои не беа во составот и може да играат на таа позиција, вклучувајќи го Рахим Стерлинг.

– Сигурен сум дека менаџерот ја следел претходната сезона и видел каде игра Палмер, па кога го поставувате тимот основно е да ги поставите вистинските фудбалери на точните позиции. Ако јас бев менаџер, прво него ќе го внесев во составот и потоа ќе формирав тим околу него, – рекол Овен.