Овен фрапиран од сцените на „Итихад“: Кога најмногу му се потребни на тимот…… (Фото)

Манчестер Сити запиша само една победа на последните 13 натпревари во сите натпреварувања, а денеска мораше да се задоволи со реми на меч на кој имаше огромен императив за три бода.

Тимот на Пеп Гвардиола не може да пронајде решение за ниту еден ривал во последно време и попладнево ја отвори „Боксинг деј“ програмата со разочарувачко реми против Евертон, резултат кој секако никако не ги задоволи и фановите на клубот.

Иако во најголем дел играчите добиваа поддршка од трибините, во финишот при резултат 1:1 можеа да се слушнат и свирежи од трибините, ситуација која дефинитивно посебно го изнервира Мајкл Овен.

Поранешниот напаѓач не може да верува како фановите можат да имаат толку слаба меморија, односно брзо да ги заборават сите успеси и радости кои им ги донесе токму овој тим кој денеска го исвиркуваа.

– Уау! Навивачите на Манчестер Сити го исвиркуваа својот тим на крајот. Со години наназад имаа неверојатни успеси и сведочеа на еден од најдобрите фудбали во историјата, а кога тие најмногу му се потребни на тимот…….., – гласи објавата на Овен.

Wow! @ManCity fans booing their team off at the end. Years and years of incredible success witnessing some of the best football the world has ever seen. And when the team needs them most……..

— Michael Owen (@themichaelowen) December 26, 2024