Овации на отворена сцена: Тиафо доби опомена од судијата, фер-плеј потегот на Ватануки ги воодушеви фановите (Видео)

Јосуке Ватануки го разочара домашниот миленик Френсис Тиафо со победата од 6:4 и 7:6 на Мастерсот во Индијан Велс, но исто така, Јапонецот привлече внимание и поради еден потег во воведниот дел од мечот.

Ватануки покажа голема класа и до израз дојде јапонската култура на 26-годишниот тенисер, кој во дадената ситуација го поправи судијата Лајани.

Тиафо доби опомена од главниот судија поради одложување на првиот сервис, па откако Тиафо се приближи до неговиот стол за да се буни, следеше реакција од Ватануки.

Јапонецот му порача на Лајани дека тој не бил подготвен за игра во моментите кога Тиафо бил подготвен за сервис, па побара од судијата да ја повлече неговата одлука.

Искусниот Швеѓанец го направи тоа, а Ватануки доби овации на отворена сцена.

Respect 🤝@FTiafoe received a time violation, but it was cancelled after Watanuki told the referee he wasn't ready to return Tiafoe's serve.#TennisParadise pic.twitter.com/CT3kAdFktF

— BNP Paribas Open (@BNPPARIBASOPEN) March 10, 2025