Ова ретко се гледа: Де Лаурентис пролеа солзи при говорот за Наполи, новинарите му дадоа аплауз (Видео)

Аурелио Де Лаурентис пред два дена прослави 20-годишнина од денот кога првпат го презема Наполи, клуб кој под негово водство се врати на старата слава како во времињата на неповторливиот Диего Армандо Марадона.

Иако е крајно контроверзен, Де Лаурентис го врати сјајот на НАполи и го врати на фудбалската мапа во Италија и Европа, па иако изминатата сезона беше доста турбулентна, Аурелио најави дека новиот проект е крајно возбудлив со Антонио Конте како тренер.

По тој повод, Де Лаурентис денеска го презентираше и новиот спонзор кој ќе го има клубот, а во обраќањето пролеал и неколку солзи додека се обидувал да објасни каква визија и каква мисија има Наполи под негово водство.

– Мора да им биде јасно а сите дека ние не прифаќаме компромиси. Никогаш не сме биле уценувани и никогаш нема да прифатиме уцени. Тука сме да ги штитиме нашите интереси, нашите играчи.

– Некои ситуации знаат да болат, наша најголема гордост е тоа што ги почитуваме правилата и што ги почитуваме нашите луѓе. Ќе продолжиме да се натпреварување со овие вредности и со овие принципи. Пред 20 години кажав дека прва цел е да го обновам градот Неапол преку фудбалот. Денеска Неапол го привлече глобалното внимание поради нашата поддршка. Иднината со слободен, одржлив и иновативен фудбал мора да започне од Неапол, – порачал Де Лаурентис.

L'emozione di #DeLaurentiis nel discorso per i suoi 20 anni di Presidenza al #Napoli#DAZN pic.twitter.com/cnr1vSOXXg

— DAZN Italia (@DAZN_IT) September 12, 2024