Отпишаниот играч на Арсенал не се откажува: Можам да бидам важен за нив

Фудбалерот кој многумина го отпишаа од Арсенал, а многумина веќе и заборавија дека се уште е член на тимт кој годинава е многу блиску до титулата во Премиер лигата, Николас Пепе, не се откажува и верува дека уште може да биде важен дел од тимот од Сверен Лондон.

Пепе сезонава ја минува на заем во Ница и на почетокот на сезоната имаше сосема солидни партии во францускиот клуб, но потоа доживеа повреда на коленото по која мораше да паузира.

Сега полека се враќа во натпреварувачки ритам, а во интервју за француските медиуми изјави дека семта дека може да биде важен за Арсенал во иднина, но дека за тоа ќе одлучи тренерот.

– Не знам што сакаат од Арсенал. Можам да бидам важен за нив, но се останува на тренерот.

– Во моментов сум многу среќен во Ница. Сакам да се фокусирам на последните два месеци овде, а потоа ќе следат разговори, -изјави Никлас Пепе.