Шпанија

Откажан натпреварот меѓу Барселона и Осасуна поради трагична вест во таборот на каталонците (Фото)

Објавено

на

8 март, 2025

Од

Foto:x.com/FCBarcelona

Натпреварот меѓу Барселона и Осасуна кој требаше да започне во 21:00 часот воопшто нема да се одигра во текот на денешниот ден, откако водечките луѓе на Ла Лига решија да го откажат истиот поради трагична ситуација во редовите на домашниот тим.

Докторот на Барселона, Карлес Мињаро за жал починал во хотелот во кој претстојувала Барселона во подготовката за мечот со Осасуна, па иако оваа информација ја знаеле сите во клубот уште пред неколку часа, информацијата за одложување на натпреварот пристигна на 15 минути пред стартот на истиот.

Навивачите на Барса ја дознаа оваа трагична вест во моментите кога веќе беа на стадионот „Монжуик“, па преку видео бимот беше проследено и официјалното соопштение на клубот.

Карлес Мињаро беше втор доктор во лекарскиот тим на каталонскиот гигант, а поради тоа, сите играчи од првиот тим побарале одложување на натпреварот против Осасуна.

Веднаш по соопштението на Барселона, Ла Лига потврди дека натпреварот нема да се игра ниту денес, ниту утре, па ќе треба да биде одреден нов термин за одигрување на истиот.