Осум фудбалери му откажаа на Карсли за неговите последни натпревари како англиски селектор

Привремениот англиски селектор Ли Карсли остана без третина од тимот кој го избра за претстојните натпревари во Лигата на нации и мораше да повика неколку замени во последен момент.

Англиската асоцијација потврди дека Букајо Сака, Кол Палмер, Ливај Колвел, Фил Фоуден, Џек Грилиш, Трент Александер-Арнолд, Арон Рамздејл и Деклан Рајс нема да бидат во комбинација поради проблеми со повреди и ќе останат во своите клубови каде ќе продолжат со процесот на рехабилитација.

Карсли морал да реагира, па меѓу другите потези, испратил прв повик за Морган Роџерс од Астон Вила.

Тино Ливраменто и Џејмс Трафорд ќе имаат нова шанса да дојдат до прв настап, а повикани се и повратниците, Џерод Боуен и Џаред Брејтвајт.

Англичаните ќе играат против Грција и Република Ирска, а ова ќе му бидат последни натпревари на Карсли, пред функцијата да ја преземе Томас Тухел.