Остана без титула: Ѓорческа падна на последниот испит во Куршумлиска Бања

Македонската тенисерка, Лина Ѓорческа не успеа да го положи последниот испит на ИТФ фјучерсот што се играше во Куршумлиска Бања, Србија.

Ѓорческа во финалето се соочи со 20-годишната Јулијаа Авдеева од Русија која славеше со 2-0 во сетови. Русинката беше доминатна во првиот сет и истиот го реализираше со 6-1, но во вториот видовме далеку поголема борба во која Авдеева повторно го имаше последниот збор и со 6-4 дојде до пехарот на турнирот што се играше на земјена подлога за награден фонд од 25.000 американски долари.

За Лина пак овој настап треба да донесе поголема самодоверба, позитивни моменти и самодоверба за следните турнири на кои ќе игра без разлика дали е тоа во поединечна конкуренција или во игра на двојки.