Остана без клуб: Вајли закачи коронавирусот со Македонија, па Гран Канарија го суспендираше неговиот договор

Џејкоб Вајли требаше да и помогне на Македонија во „балонот“ во Талин во рамките на квалификациите за Европското првенство, но проблемите со КОВИД-19 во нашиот табор го одложија неговото деби во „црвено-жолтиот“ дрес.

Вајли беше еден од играчите кои беа заразени со тоа што коронавирусот остави последици врз него и за тоа говори најнвата информација во Шпанија. Имено Гран Канарија се одлучи привремено да го прекине, суспендира неговиот договор и Џејкоб е веќе во неговата татковина каде закрепнува од здравствените проблеми.

Од клубот му порачаа брзо опоравување, а порача испрати и самиот центар кој истакна дека ќе се врати посилен од било кога.

-Ќе се вратам посилен од кога било, потребно е да закрепнам и да бидам со моето семејство во моментов, благодарност до клубот за целата нивна помош, и на моите тренери и соиграчи за целата поддршка во овие времиња, -напиша Вајли.

I will come back stronger than ever, I need to recover and be with my family right now, thanks to the club for all their help, and to my coaches and teammates for all the support during these times!🙏🏽 https://t.co/BAOjcnz7YH

— Jacob Wiley (@Jwiley_24) December 14, 2020