Осимен за неговата иднина: Никогаш не верував дека ќе дојдам во Галатасарај…

Виктор Осимен во оваа сезона е дел од турскиот великан Галатасарај кој ја искористи можноста и го доби неговиот потпис како позајмен играч од редовите на Наполи.

Тој е под договор со калчолигашот до 30 јуни 2026 година, меѓутоа јасно е дека таму нема да се врати, ама во исто време е нереално да се очекува да остане во Галатасарај, меѓутоа одличниот напаѓач не отфрла ниту една опција по тоа што му се случи во претходните месеци.

-Да бидам искрен, не знам. Знаете последните неколку месеци, никој никогаш не мислеше дека ќе дојдам овде, никогаш не верував дека ќе дојдам во Галатасарај и покрај тоа што е голем клуб. Живеам за моментот. Не знам што ќе се случи на лето, но сакам сите да разберат дека навистина го сакам овој клуб.

-Ги сакам навивачите, го сакам претседателот, ги сакам сите поврзани со клубот. Навистина е голема работа да се биде овде и навистина уживам во времето овде, -истакна Осимен кој има 20 гола и 5 асистенции на 26 натпревари за лидерот во турскиот шампионат.