Осимен се огласи по последните информации за неговата иднина (ВИДЕО)

Виктор Осимен не успеа да направи трансфер во голем клуб од топ 5 лигите во Европа, а со тоа си направи проблем затоа што Наполи реши да го „избрише“ од тимот за оваа сезона, поточно нема да биде дел од новиот проект воден од Антонио Конте.

Тој сепак може да си замине од Неапол и тоа во земјите каде се уште е отворен трансфер пазарот, а една од нив е Турција од каде Галатасарај притиска да го добие и тоа на позајмица до крајот на сезоната.

Клубот од Истанбул е подготвен да ја покрие неговата плата, па Наполи дава зелено светло за ваква операција со тоа што калчоолигашот сака играчот да потпише нов договор, да ја продолжи соработката за уште една година за да потоа се реализица оваа операција.

И додека се чека на нови вести, Осимен се огласи на социјалните мрежи и тоа на Инстаграм. Нема слика, само музика и тоа од стар нигериски филм „Аводи“. Песната се однесува на некој што се соочува со борба, неизвесност, тешки моменти, но е уверен дека Бог ќе му помогне да мине низ таа ситуација.

📲| Osimhen en IG. pic.twitter.com/k7JwI3X8lW

— Universo Napoli (@UniversoNapoli) September 2, 2024