Осимен може да се врати во Италија, но во редовите на голем ривал на Наполи

Виктор Осимен привремено го стопираше драматичниот конфликт со раководството на Наполи, но прашање е кој ќе биде неговиот следен потег по крајот на едногодишната позајмица во Галатасарај.

Тешко е да се поверува дека Нигериецот ќе остане во Истанбул, а добро информираниот „Ил Матино“ тврди дека Јувентус планира жестока офанзива за потписот на голгетерот.

Спортскиот директор Кристијано Џунтоли знае што може да добие со ангажирање на Осимен, а весникот тврди дека фудбалерот би бил среќен повторно да соработува со довчерашниот прв оперативец на Наполи.

Преговорите на Јувентус и Наполи сигурно нема да бидат лесни, но Јувентус очекува волјата на Осимен да се пресели во Торино да биде одлучувачки фактор, при што истовремено ќе се неутрализираат и другите понуди за фудбалерот.

Последен пат Јувентус му го „украде“ Гонзало Игуаин на Наполи, а Аргентинецот остави сериозна трага во клупската историја на „бјанконерите“.