Осимен конечно е блиску до трансфер, Наполи ќе прифати помала сума од таа во откупната клаузула

Виктор Осимен уште од почетокот на преодниот рок им потврдил на одговорните во Наполи дека сака да замине, а тоа ќе го оствари дури деновиве.

По многу шпекулации и неуспешни преговори со клубови како ПСЖ и Челси, нигерискиот голгетер на крајот сепак ќе заврши во Саудиска Арабија и ќе го облече дресот на Ал Ахли.

И покрај примарната цел да остане во Европа, Осимен не можел да одбие 40 милиони евра по сезона и ќе потпише четиригодишен договор со Ал Ахли, – пренесува добро информираниот Џанлука Ди Марцио.

Наполи би требало да заработи фиксни 80 милиони евра, плус дополнителни бонуси кои би се активирале наредниот период.

Оваа сума е далеку од откупната клаузула од 130 милиони евра која постои во договорот на Осимен, но очигледно и Наполи веќе сака да ја заврши оваа трансфер сага и ќе прифати многу помала сума за разделба со својот најдобар реализатор.