Осимен има подобра понуда од таа на Челси

Виктор Осимен и натаму не го прави последниот потег со кој ќе го потврди заминувањето од Наполи, а најблиску до неговиот потпис беше Челси.

Откако ПСЖ се повлече од трката за Нигериецот, Челси имаше најконкретна понуда и опција за фудбалерот да ја продолжи кариерата во Европа под посакувани финансиски услови.

Сепак, италијанските медиуми тврдат дека изминативе 24 часа, Осимен добил многу поатрактивна понуда од Ал Ахли и сега сериозно размислува за преселба во Саудиска Арабија.

Ал Ахли го „победил“ Челси во однос на платата која му е ветена на голгетерот и го замислила Осимен, чиј менаџер пред само неколку дена побара од медиумите да го задржат респектот кон неговиот клиент и да не го поврзуваат со напуштање на Европа.

Во насока Челси-Наполи веќе е потврдено пристигнувањето на Ромелу Лукаку во Неапол, каде ќе го засили нападот на Антонио Конте за сума од 30 милиони евра.