Осимен: Добив неверојатна понуда, се работи за сума која ќе ми го променеше животот

Наполи не е ист тим без Виктор Осимен во стартната постава и тоа можеше да се заклучи на последните неколку натпревари, кои на крајот ќе резултираат и со отказ на тренерот Руди Гарсија.

Повеќе од јасно е дека Французинот нема да го преживее поразот од Емполи и дека Осимен ќе се врати на терените со нов тренер во Наполи, но сега паузата поради повреда ја искористи за да стапи во контакт со својот сонародник.

Џон Оби Микел од неодамна е доста популарен со својот подкаст, па последен негов гостин беше Осимен кој во разговорот со поранешниот играч на Челси, откри дека одбил стратофсерска понуда од Саудиска Арабија изминатово лето.

– Добив многу висока понуда од Саудиска Арабија, навистина беше нешто посебно. Беше тешко да се одбие таа понуда, бидејќи стануваше за сума која ќе ми го промени животот.

– Беше интересно со Арапите, колку побрзо им кажував не, толку побрзо ја креваа понудата, нудеа уште повеќе пари. На крајот им реков НЕ. Сакав да останам во Европа, разговарав со Наполи и ја одбивме понудата. Фудбал се игра за пари, но парите не се се во животот, има и други поважни работи, – вели Осимен.