Осака елиминирана во третото коло, Аустралијан Опен ќе има нов шампион

Наоми Осака нема да може да ја одбрани титулата на Аустралијан Опен по денешниот пораз во третото коло на овој грен-слем турнир.

Јапонката денеска загуби од Аманда Анисимова од Соединетите Американски Држави со 2:1 во сетови, со што го заврши настапот во Мелбурн и ќе чека друга шанса за нова грен-слем титула.

Осака водеше со 1:0 во сетови, имаше и две меч топки, но Анисимова успеа да го добие третиот сет со 10:5 во тај-брејкот на третиот сет.

Анисимова и во следното коло има тежок противник, а тоа е домашната тенисерка Ешли Барти која утринава ја победи Камила Џорџи со 2:0 во сетови.

На машкиот дел од турнирот денеска пласман во следната фаза веќе остварија Зверев, Беретини, Карењо-Буста, Кецмановиќ, Монфис и Шаповалов.