НБА

Општа тепачка во НБА лигата заврши со седум исклучувања во Минеаполис (Видео)

Објавено

на

31 март, 2025

Од

НБА програмата донесе седум натпревари во раните утрински часови, но вест на денот е една некошаркарска вест, а за истата се погрижија членовите на Минесота и Детроит.

Воведот на втората четвртина ни донесе неверојатен хаос на теренот, бидејќи почетното кошкање на Рид и Холанд се претвори во општа тепачка, во која се вклучија и двајца тренери.

По почетната караница, ситуацијата ескалираше кога во клинчот се вмеша и Донте Дивинченцо, по што следеше голем хаос и општа тепачка во која на подот заврши и камерманот.

На крајот, судиите имаа многу работа и мораа да ги решаваат работите со исклучувања, па така предвреме во соблекувалната беа испратени седуммина.

Детроит остана без својот главен тренер Бикерстаф, без центарот Стјуарт и без Холанд и Сејсер, додека исклучувања од Минесота добија Рид, Дивинченцо и помошник тренерот, Пабло Приџони.

Од целиот овој хаос на крајот профитираше домашниот тим, бидејќи Минесота успеа да направи пресврт и да слави со убедливи 123:104.