Онана со „вонсериска проценка“ му сервираше подарок на Ливерпул (Видео)

Ајакс одлично му парираше на Ливерпул во првиот час и имаше позитивен резултат, се до катастрофалната грешка која ја направи голманот Андре Онана кој шокираше со својата ужасна проценка.

Гостинскиот голман директно кумуваше за водството на домашниот тим во 58-та минута, бидејќи при еден „мек“ центаршут кога топката одеше бавно во воздухот, одлучи да ја остави истата со идеја да добие гол-аут.

Наместо тоа, Онана беше жестоко казнет за својот непромислен потег, бидејќи Куртис Џонс ја испрати акцијата до крај и ја погоди празната мрежа за водство од 1:0.

Благодарение на подарокот, Ливерпул си обезбеди пласман во нокаут фазата во Лигата на шампионите, додека Ајакс и Аталанта во директна пресметка во Амстердам ќе одлучуваат кој ќе патува во следната рунда.