Онана со порака до навивачите на Јунајтед: Бидете подготвени…

Андре Онана не се прослави во првата сезона во Манчестер Јунајтед каде беше доведен како големо засилување, играч кој треба да помогне полесно да се реализираат идеите на тренерот Ерик Тен Хаг со оглед на тоа што се бара игра со топка од назад, поточно голманот да биде како екстра играч во поле.

Камерунецот имаше киксови, преземаше ризици и нема намера да се промени, па дури и им порача да навивачите да бидат подготвени за уште поголемо „шоу“ во негов стил.

-Тоа сум јас. И мислам дека тоа е она што ќе го видите оваа сезона бидејќи ќе преземам многу ризици. Веќе можам да ви кажам однапред! Бидете подготвени затоа што ќе биде оваа сезона, верувајте ми! Ќе уживам уште повеќе кога ќе почне оваа сезона.

-Се разбира, затоа што најдобриот тим во светот ризикува. Градејќи од назад, препознавајте работи, ситуации, кога противникот ќе скокне еден против еден или кога ќе притисне со тројца или со четворица, препознавајќи дека доминираме во пресингот ако е бр.9 или 11.

-Затоа, за мене е важно да ги препознаам таквите работи и да ја донесам најдобрата одлука за тимот. Ќе преземам голема одговорност и мислам дека мојот грб е огромен за да го носам сето тоа, нели? Мислам дека ќе биде убаво оваа сезона, -рече Камерунецот.