Онана: Сити ќе треба да докаже дека е најдобар тим во светот

Интер стигна до можност да се бори за уште еден трофеј во Лигата на шампионите, а против себе ќе го има англискиот шампион Манчестер Сити.

Формата на премиерлигашот и освоените трофеи го прават Сити фаворит на хартија, но италијанскиот состав сигурно ќе се обиде да го изненади противникот во Истанбул.

Голманот Андре Онана вели дека Сити е квалитетен тим, но тоа ќе треба да го потврди во финалето.

– Мирни сме пред финалето, знаеме дека нема да биде лесно, но притисокот е кај противникот.

– Интер е голем клуб и кога стигнува во финале, негова обврска е да го освои трофејот. Не гледам дека сме во позиција на аутсајдери, историјата покажува дека имаме големи шанси да го подигнеме пехарот.

– Сити е веројатно најдобриот тим во светот во моментов, но тоа ќе треба да го потврди на терен. Ние ќе излеземе во Истанбул за да испишеме уште една историска ноќ за клубот, – вели Онана.