Онана си поигруваше со Халанд, Норвежанецот му одговори со насмевка и ладна завршница (Видео)

Финалниот меч во Комјунити Шилд не доби победник по 90 минути игра, па така новиот освојувач на ова натпреварување го добивме по изведени удари од 11 метри.

Манчестер Сити успеа да избегне пораз од градскиот ривал Јунајтед со голот на Бернардо Силва во самата завршница, а потоа шампионот имаше и повеќе нерви во фудбалската лотарија.

Всушност, играчите на Пеп Гвардиола се покажаа како поумешни и посмирени изведувачи на пеналите, дури и во ситуација кога „граѓаните“ отворија со негатива поради нереализираниот пенал на Силва.

Во тие моменти, Андре Онана користеше и провокативна тактика за да го добие дуелот со Ерлинг Халанд, а сега Манчестер Сити деталн откри како изгледало нивното соочување.

Норвежанецот со насмевка и со мало чудење ги проследил движењата на голманот, но мирната завршница на крајот направи тој да биде оној кој последен се смее во овој дуел.

That @ErlingHaaland smile! 😅 pic.twitter.com/dWm21JC2Yp

— Manchester City (@ManCity) August 12, 2024