Онана пред промоција, Тен Хаг инсистира да патува со Јунајтед во САД

Манчестер Јунајтед денеска ќе ги комплетира преговорите со Интер за Андре Онана, а истовремено ќе ги дефинира и личните услови на голманот.

Порталот „Атлетик“ објави дека двата клуба се согласиле на сума од околу 50 милиони фунти, а останува да се прецизираат само детали пред официјална потврда на трансферот.

Камерунецот веќе се гледа себеси како наследник на Давид Де Хеа на „Олд Трафорд“, а со новиот клуб ќе потпише петгодишен договор.

Јунајтед и Онана дефинитивно ќе ги завршат преговорите денеска, а останува да се види дали тоа ќе биде сторено и на релација со Интер.

Она што е најважно за фановите е дека Ерик тен Таг инсистира Онана да патува со тимот на американската турнеја, што значи дека голманот треба да пристигне во Манчестер до среда.