Онана подготви одговор за бруталната прозивка од Матиќ: За разлика од некои други…. (Фото)

Андре Онана се погрижи за провокативна најава на четвртфиналето меѓу Лион и Манчестер Јунајтед во Лигата на Европа, а откако доби жесток одговор од спротивната страна, голманот преписката ја продолжи и на социјалните мрежи.

Камерунскиот чувар на мрежата заклучи дека Јунајтед е многу подобар тим од Лион и побара од своите играчи лесно да ја одработат задачата утре на теренот, но бидејќи звучеше како да го омаловажува ривалот, неговата изјава наиде на осуда од Немања Матиќ.

Искусниот Србин го подбра Онана и го нарече еден од најлошите голмани во модерната историја на клубот од „Олд Трафорд“, а бидејќи неговото обраќање од пресот брзо стана доста популарно во јавноста, Онана реши да се дообјасни преку својот „Икс“ профил.

– Никогаш нема да покажам непочитување кон друг клуб. Знаеме дека утре не чека тежок натпревар против силен противник.

– Се фокусираме да имаме перформанси кои ќе ги направат горди нашите фанови. Ако ништо друго, јас освоив трофеи со најголемиот клуб во светот. Некои други не можат да го кажат тоа, – порача Онана, јасно алудирајќи на Матиќ кој не освои ниту еден трофеј во своите пет години на „Олд Трафорд“.

I would never be disrespectful to another club. We know that tomorrow will be a difficult game against a strong opponent.

We focus on preparing a performance to make our fans proud.

At least I’ve lifted trophies with the greatest club in the world. Some can’t say the same. pic.twitter.com/3easLRIz3d

— Andre Onana (@AndreyOnana) April 9, 2025