Онана го „пресече“ Саутемптон, Јунајтед стигна до втората победа во Премиер лигата (Видео)

Манчестер Јунајтед го казни нереализираниот пенал на Саутемптон и со два гола во првиот дел си обезбеди победа (0:3) на гостувањето на „Ст. Мери“.

Домаќините играа храбро на почетокот и покажаа дека нема лесно да се предадат против фаворитот, а добија одлична можност да поведат откако Дало направи пенал.

Сепак, Онана успеа да го одбрани пеналот на Арчер и спречи негатива за избраниците на Ерик тен Хаг, а само две минути подоцна на спротивната страна, неговиот сонародник Матијс де Лихт го постигна првиот гол во дресот на Јунајтед.

Де Лихт во одличен момент реализираше за својот нов клуб, а шест минути подоцна, или во 41. минута, Маркус Рашфорд го совлада Арон Рамздејл за 0:2, резултат кој остана актуелен до последната минута од судиското надополнување.

Саутемптон од 78. минута остана и со играч помалку по црвениот картон за Стивенс, а точка на средбата стави Гарначо во 96. минута, поставувајќи ги конечните 0:3.