Македонија

Омерагиќ: Имаме допис од УЕФА, список со луѓе и клубови со сомнителни натпревари

Објавено

на

7 март, 2025

Од

Првиот човек на Фудбалската федерација на Македонија, Масар Омерагиќ обелодени дека УЕФА испратила допис до нашата куќа на фудбалот за личности со име и презиме кои се под сомнеж за сомнителни натпревари во мак-фудбалот.

Се работи за дуели на домашната сцена, Куп, пријателски и тоа од претходните сезони.

-Имаме добиено допис од одделот за интегритет на УЕФА во кој се посочени одредени личности, со име и презиме, за кои што постои сомнение, што не значи дека е тоа така, но се посочени дека на одредени натпревари имаат преземено дејствија кои се сомнителни.

-Во соработка со УЕФА тоа ќе го спроведеме до крај. Доколку тие се чувствуваат загрозено поради тоа и мислат дека со напади и разни инсинуации врз нас ќе не предомислат на тој пат, тогаш нивното размислување е тотално погрешно. Натпревари, клубови и имиња. Кога ќе дојде време, ќе ги објавиме, -открива Омерагиќ во разговорот со колегата од МТВ, Тони Стојановски.