Олмо за „Златната топка“ на Родри: Ова е награда за шпанскиот фудбал

Шпанскиот репрезентаитвец Родри ја доби наградата за најдобар фудбалер во изминатава година, најпрестижното признание „Златната топка“.

Меѓутоа и овојпат имаше доста коментари, реакции за тоа дали членот на Манчестер Сити ја заслужил, поточно дали требал да ја добие пред Винисиус Жуниор од Реал Мадрид во кого поголемиот дел од јавноста гледаше на фаворит.

Сепак Шпанецот доби поголема поддршка и тоа за 41 глас, ситуација која донесе и различно расположение, ставови во неговата земја, но секако има и такви кои се на негова страна како што е Дани Олмо.

-Годината што ја имаше или годините што ги имаше во минатото, со шлаг на тортата на Европското првенство, за кое беше избран за најдобар играч, тоа го заслужи.

-Беше многу убаво да се види како Родри го прославува тој момент со своето семејство. Она што го рече го пренесува она што многумина од нас го чувствуваат: тоа е Златна топка за шпанскиот фудбал. Имаше две ѕверови на светскиот фудбал кои збришаа сè, а шпанскиот фудбал е тој што победи, -порача фудбалерот на Барселона.

Инаку Родри е прв Шпанец по Луис Суарез (1960) кој ја освојува „Златната топка“.