Олмо: Сонот ми се исполни, сакам да ги освојам сите титули со Барселона

Дани Олмо го комплетираше трансферот во редовите на Барселона, клубот во кој настапуваше како дете за да сега како оформен фудбалер и човек се врати дома со мисија за големи резултати.

Офанзивецот потпиша договор до 2030 година што јасно говори за идејата која Барселона ја има со него, но и неговата желба да успее, биде дел од проектот.

Шпанскиот репрезентативец е оптимист и верува дека ќе помогне клубот да се врати на победнички патеки.

-Мојот сон се оствари. Дојдов да победувам и да ги освојам сите можни титули. Ние сме Барса и треба да се бориме за сите титули. Пресреќен сум, бидејќи мојот сон се оствари. Мило ми е што се вратив дома, кај моето семејство, кај соиграчите од репрезентацијата… Сега почнува нов период. Едвај чекам да започне сезоната. Јас сум подготвен, -порача Олмо.