Олмо: Овој тим на Барса има еден посебен квалитет

Домаќините постигнаа три гола и се задоволија со ваков учинок уште по 30 минути игра, а во продолжение им преостана само да доработат и да впишат нови три бода на своето конто.

Дани Олмо денеска беше двоен стрелец и полека се враќа во посакуван ритам по повредата која ја имаше, но како што вели самиот, посебно уживање е да се игра во тим кој секогаш оди на гол повеќе на секој натпревар.

– Важно беше да продолжиме да победуваме и го направивме тоа. Еспањол дојде за да даде се од себе и моравме да одиграме добар натпревар.

– Сакав да се вратам во стартната постава и имав голем мотив денеска. Овој тим на Барса покажа дека има еден посебен квалитет, а тоа е постигнување голови. Овој тим постојано дава голови, имаме голгетери и од втор план. Играме директен фудбал и креираме многу шанси. Не само за напаѓачите, туку и за играчите кои доаѓаат отпозадина, – изјави Олмо.