Олмо и Виктор се најдоа во составот на Барселона за Супер Купот на Шпанија

Барселона по успешно завршената задача во Копа Дел Реј се фокусира на настапот во Супер Купот на Шпанија, турнир кој се игра во Саудиска Арабија.

За да се стигне до трофејот мора да се минат две пречки, а тоа за Барселона во конретниот случај значи дека мора да го добие Атлетик Билбао, потоа и подобриот од пресметката Реал Мадрид-Мајорка. Ханси Флик го објави списокот ма играчи повикани за овој настан, листа на која се 28 играчи при што две имиња се издвојуваат и тоа Дани Олмо и Пау Виктор.

Причината е јасна, тие не се регистрирани и засега немаат право на настап, меѓутоа Флик ги има на список како што е и повредениот Марк Бернал.

Добрата вест за каталонците е што тука е и Ламин Јамал кој по се игзледа ја има надминато повредата, ама и Ектор Форт заедно со Феран Торес и Кристенсен, но и Рафиња кој го пропушти соочувањето со Барбастро во Купот.

Барса се соочува со Атлетик Билбао на 8 јануари во вечерниот термин од 20 часот.

Next up: Supercup 🏆✈️ pic.twitter.com/dSnxqvzsRp

— FC Barcelona (@FCBarcelona) January 6, 2025